責編丨王冰月江芷晴

記者

周偉琪

▲點擊觀看原創採訪視頻

世界音樂大獎“奧地利音樂劇院獎”特別獎首次授予中國人——來自香港指揮及作曲家麥家樂，表揚佢以及佢旗下寰宇交響樂團喺奧地利、中國甚至全世界作出嘅音樂貢獻。

自年以來“奧地利音樂劇院獎”俾喺歌劇、輕歌劇、音樂劇同芭蕾舞劇有傑出成就嘅表演者。哩個獎項將提供一個機會，見證跨越歌唱、音樂劇、戲劇、舞蹈同製作嘅傑出音樂家。

麥家樂接受央廣記者獨家訪問時表示，佢對於可以以一個中國音樂家嘅身份去接受哩個獎項感到好光榮。“我之前喺海外發展30幾年，哩一次我真嘅可以用中國人嘅身份，話俾全世界嘅音樂家，我係一個來自中國香港嘅指揮，而且有實力同世界其他知名嘅音樂家齊名！”

麥家樂十七歲時跟隨香港青年管弦樂團到英國參加國際青年管弦樂音樂節，喺最後一場音樂會欣賞到當時九十二歲嘅世界級指揮家斯托科夫斯基（LeopoldStockowski）演出後，下定決心要做一個指揮家。二十歲佢就考入維也納音樂學院學習指揮，畢業後曾經獲得國際指揮大賽獎項，之後旅居海外多年。

麥家樂雖然喺香港出世，但係佢離開祖國已經有35年。佢曾經喺俄羅斯執棒10年，之後一直喺奧地利維也納愛樂團擔任指揮。麥家樂曾經同多個國家嘅知名交響樂團有過合作，佢笑稱，每個國家嘅樂團都有著鮮明嘅“性格特色”，比如崇尚自由嘅法國樂團喺排練嘅時候整日中意講嘢，自由發表自己嘅意見，而嚴謹嘅德國樂團，要舉手先可以發言。

依家已經年過花甲嘅麥家樂，年成立象徵香港十八區嘅18交響樂團，第二年再創立寰宇交響樂團，演出屢獲好評。寰宇交響樂團成立雖只得短短幾年，但係已經經常喺香港以及海外等多個地方公開演出，集合唔同專項香港音樂家組成嘅樂團，廣受好評。麥家樂表示，希望藉哩次機會幫助香港青年音樂家，讓更加多人愛上古典音樂，並同世界推廣中國文化。

寰宇交響樂團嘅成員好多都係香港演藝學院、香港或者海外大學音樂系畢業生。寰宇交響樂團曾經參與《亞洲電視臺慶》、香港聯合國教科文組織協會之《同平大使慶典》開幕音樂會、新光大劇院音樂會系列、《亞洲電影大獎》籌款節音樂會、大會堂《交響樂音樂會》以及喺紅磡體育館嘅《譜Teen同唱萬人音樂會》、《香港回歸二十周年》慶祝音樂會等演出。

久負盛名嘅麥家樂話，佢嘅理想係培育以及支持香港音樂家，同時發展佢哋嘅國際視野，亦希望國人可以多啲認識交響樂，愛上古典音樂。

年6月17日，維也納查理教堂舉辦《麥家樂大師與香港寰宇交響樂團》音樂會，麥家樂大師將會喺哩個音樂會首演並指揮佢嘅作品《一帶一路》交響組曲。

維也納,世界音樂之都，係寰宇交響樂團《一帶一路》音樂之路計畫嘅第一站。喺未來十年，寰宇交響樂團將會攜《一帶一路》喺十三個國家表演。此外，麥家樂大師仲會演出佢嘅作品《鳳凰傳奇》交響詩。

年6月19日，“奧地利音樂劇院獎”頒獎典禮喺奧地利格拉茨歌劇院舉行。

-THEEND-